5 ^(A)Magsiparito ^(B)ngayon, kayong mayayaman, kayo'y magsitangis at magsihagulhol dahil sa mga karalitaan ninyong sa inyo'y darating.

² Ang inyong mga kayamanan ay mga bulok, at ang ^(C)inyong mga damit ay nginangatngat ng tanga.

³ Ang inyong ginto at ang inyong pilak ay kinakalawang na; at ang mga kalawang na ito ay siyang magiging patotoo laban sa inyo, at gaya ng apoy na lalamunin ang inyong laman. ^(D)Kayo'y nagtipon ng inyong mga kayamanan ^(E)sa mga huling araw.

⁴ Narito, ang kaupahan ^(F)ng mga manggagawa na nagsiani sa inyong mga bukid, na iniring ninyo sa pamamagitan ng daya, ay humihibik: at ^(G)ang mga hibik ng mga nagsiani ay nagsipasok sa mga pakinig ng Panginoon ng ^(H)mga hukbo.

⁵ Kayo'y nangabuhay ng tamasa sa ibabaw ng lupa, at nangagalak; inyong pinataba ang inyong mga puso sa ^(I)araw ng patayan.

^6 (J)Inyong hinatulan, ^(K)inyong pinatay ang matuwid; hindi niya kayo nilalabanan.

⁷ Mangagtiis nga kayo, mga kapatid, hanggang sa ^(L)pagparito ng Panginoon. Narito, inaasahan ng magsasaka ang mahalagang bunga ng lupa, na may pagtitiis, hanggang sa tanggapin ang ulang ^(M)maaga at huli.

⁸ Mangagtiis din naman kayo; ^(N)pagtibayin ninyo ang inyong mga puso, sapagka't ang pagparito ng Panginoon ay malapit na.

⁹ Huwag kayong mangagupasalaan, mga kapatid, laban sa isa't isa, upang kayo'y huwag mahatulan; narito, ang hukom ^(O)ay nakatayo sa harapan ng mga pinto.

^10 (P)Kunan ninyong halimbawa ng pagbabata at ng pagtitiis, mga kapatid, ang mga propeta na nagsipagsalita sa pangalan ng Panginoon.

¹¹ Narito, ^(Q)tinatawag nating mapapalad ang nangagtiis: inyong nabalitaan ^(R)ang pagtitiis ni Job, at inyong nakita ^(S)ang pinapangyari ng Panginoon, kung gaano ang lubos na pagkahabag at ang pagkamaawain ng Panginoon.

¹² Nguni't higit sa lahat ng mga bagay, mga kapatid ko, ay ^(T)huwag ninyong ipanumpa, kahit ang langit, ni ang lupa, ni ang anomang ibang sumpa: kundi ang inyong oo, ay maging oo; at ang inyong hindi, ay maging hindi; upang kayo'y huwag mangahulog sa ilalim ng hatol.

¹³ Nagbabata baga ang sinoman sa inyo? siya'y manalangin. Natutuwa ang sinoman? ^(U)awitin niya ang mga pagpupuri.

¹⁴ May sakit baga ang sinoman sa inyo? ipatawag niya ^(V)ang mga matanda sa iglesia; at ipanalangin nila siya, ^(W)na pahiran nila ng langis sa pangalan ng Panginoon:

¹⁵ At ang panalangin ng pananampalataya ay magliligtas sa may sakit, at ibabangon siya ng Panginoon; ^(X)at kung nagkasala siya, ay ipatatawad sa kaniya.

¹⁶ Mangagpahayagan nga kayo sa isa't isa ng inyong mga kasalanan, at ipanalangin ng isa't isa ang iba, upang kayo'y magsigaling. Malaki ang nagagawa ^(Y)ng maningas ^(Z)na panalangin ng taong matuwid.

¹⁷ Si Elias ay isang taong may pagkataong gaya rin ng atin, at siya'y nanalangin ng buong ningas upang huwag umulan; ^(AA)at hindi umulan sa lupa sa loob ng tatlong taon at anim na buwan.

¹⁸ At muli siyang nanalangin; at ang langit ay ^(AB)nagbigay ng ulan, at ang lupa ay namunga ng kaniyang bunga.

¹⁹ Mga kapatid ko, ^(AC)kung ang sinoman sa inyo ay nalilihis sa katotohanan, at siya'y papagbaliking loob ng sinoman;

²⁰ Ay alamin nito na ang nagpapabalik-loob ng isang makasalanan, mula sa kamalian ng lakad niya ay magliligtas ng isang kaluluwa sa kamatayan, at ^(AD)magtatakip ng karamihang kasalanan.

Babala Laban sa Mapang-aping Mayayaman

5 Halikayo ngayon, kayong mayayaman, tumangis kayo at humagulhol dahil sa mga kahirapan na sa inyo'y darating.

² Ang^(A) inyong mga kayamanan ay bulok na, at ang inyong mga damit ay kinakain na ng bukbok.

³ Ang inyong ginto at ang inyong pilak ay kinakalawang na, at ang mga kalawang ng mga ito ay magiging patotoo laban sa inyo, at gaya ng apoy ay lalamunin nito ang inyong laman. Kayo'y nag-imbak ng mga kayamanan para sa mga huling araw.

⁴ Tingnan^(B) ninyo, ang sahod ng mga manggagawa na gumapas sa inyong mga bukid na inyong ipinagkakait ay umiiyak; at ang pag-iyak ng mga umani ay nakarating sa pandinig ng Panginoon ng mga hukbo.

⁵ Kayo'y namuhay na may pagpapasasa sa ibabaw ng lupa, at namuhay kayong may karangyaan. Pinataba ninyo ang inyong mga puso sa araw ng katayan.

⁶ Inyong hinatulan at pinaslang ang taong matuwid na hindi lumalaban sa inyo.

Katiyagaan sa Kahirapan

⁷ Kaya, maging matiyaga kayo, mga kapatid, hanggang sa pagdating ng Panginoon. Hinihintay ng magsasaka ang mahalagang bunga ng lupa, na siya'y nagtitiis para dito hanggang sa ito ay tumanggap ng una at huling ulan.

⁸ Maging matiyaga rin kayo. Patatagin ninyo ang inyong mga puso, sapagkat ang pagdating ng Panginoon ay malapit na.^[a]

⁹ Mga kapatid, huwag kayong magbulung-bulungan laban sa isa't isa, upang huwag kayong mahatulan. Tingnan ninyo, ang hukom ay nakatayo sa harapan ng mga pintuan.

¹⁰ Mga kapatid, kunin ninyong halimbawa ng pagtitiis at ng pagtitiyaga ang mga propeta na nagsalita sa pangalan ng Panginoon.

¹¹ Tunay^(C) na tinatawag nating mapapalad ang mga nagtiis. Narinig ninyo ang tungkol sa pagtitiis ni Job, at inyong nakita ang layunin ng Panginoon, kung paanong ang Panginoon ay punô ng pagkahabag at pagkamaawain.

¹² Ngunit^(D) higit sa lahat, mga kapatid ko, huwag ninyong ipanumpa ang langit o ang lupa, o ang anumang ibang panunumpa, kundi ang inyong “Oo” ay maging oo; at ang inyong “Hindi” ay maging hindi, upang kayo'y huwag mahulog sa ilalim ng kahatulan.

Ang Mabisang Panalangin

¹³ Mayroon ba sa inyong nagdurusa? Manalangin siya. Mayroon bang masaya? Umawit siya ng papuri.

¹⁴ May^(E) sakit ba ang sinuman sa inyo? Ipatawag niya ang matatanda ng iglesya, at kanilang ipanalangin siya, at siya'y pahiran nila ng langis sa pangalan ng Panginoon.

¹⁵ Ang panalangin na may pananampalataya ay magliligtas sa maysakit, at ibabangon siya ng Panginoon; at kung siya ay nagkasala, siya ay patatawarin.

¹⁶ Kaya't ipahayag ninyo sa isa't isa ang inyong mga kasalanan, at ipanalangin ninyo ang isa't isa, upang kayo'y gumaling. Ang panalangin ng taong matuwid ay makapangyarihan at mabisa.

¹⁷ Si^(F) Elias ay isang taong may likas na gaya rin ng sa atin, at siya'y taimtim na nanalangin upang huwag umulan, at hindi umulan sa lupa sa loob ng tatlong taon at anim na buwan.

¹⁸ At^(G) muli siyang nanalangin, at ang langit ay nagbigay ng ulan, at ang lupa ay sinibulan ng bunga nito.

¹⁹ Mga kapatid ko, kung ang sinuman sa inyo ay naliligaw mula sa katotohanan, at siya'y pinapanumbalik ng sinuman,

²⁰ dapat^(H) niyang malaman na ang nagpapanumbalik sa isang makasalanan mula sa pagkaligaw sa kanyang landas ay magliligtas ng kaluluwa mula sa kamatayan, at magtatakip ng napakaraming kasalanan.