⁹ Datapuwa't mangagingat kayo sa inyong sarili: ^(A)sapagka't kayo'y ibibigay nila sa mga Sanedrin; at kayo'y hahampasin sa mga sinagoga; at kayo'y magsisitindig sa harap ng mga gobernador at ng mga hari dahil sa akin, na bilang patotoo sa kanila.

¹¹ At pagka kayo'y dinala sa harap ng mga kapulungan, at kayo'y ibigay, ay ^(A)huwag kayong mangabalisa kung ano ang inyong sasabihin: datapuwa't ang ipagkaloob sa inyo sa oras na yaon, ay siya ninyong sabihin; sapagka't hindi kayo ang magsasalita, kundi ang Espiritu Santo.

¹² At ibibigay ng kapatid sa kamatayan ang kapatid, at ng ama ang kaniyang anak; at magsisipaghimagsik ang mga anak laban sa mga magulang, at sila'y ipapapatay.

¹³ At kayo'y kapopootan ng lahat ng mga tao dahil sa aking pangalan: datapuwa't ^(B)ang magtitiis hanggang sa wakas, ay siyang maliligtas.

¹² Datapuwa't bago mangyari ang lahat ng mga bagay na ito, ay huhulihin ^(A)kayo, at paguusigin kayo, na kayo'y ibibigay sa mga sinagoga at ^(B)sa mga bilangguan, na kayo'y dadalhin sa harapan ng mga hari at mga gobernador dahil sa aking pangalan.

¹³ Ito'y magiging patotoo ^(C)sa inyo.

¹⁴ Pagtibayin nga ninyo ang inyong mga puso, ^(D)na huwag munang isipin kung paano ang inyong isasagot:

¹⁵ Sapagka't bibigyan ko kayo ng ^(E)isang bibig at karunungan, na hindi mangyayaring masalangsang o matutulan man ng lahat ninyong mga kaalit.

¹⁶ Datapuwa't kayo'y ibibigay ng kahit mga magulang, at mga kapatid, at mga kamaganak, at mga kaibigan; at ipapapatay nila ang iba sa inyo.

¹⁷ At kayo'y kapopootan ng lahat ng mga tao dahil sa aking pangalan.