Zefanias 3:7-9

Ang Biblia (1978)

⁷ Aking sinabi, Matakot ka lamang sa akin; tumanggap ng pagsaway; ^(A)sa gayo'y ang kaniyang tahanan ay hindi mahihiwalay, ayon sa lahat na aking itinakda sa kaniya: nguni't sila'y ^(B)bumangong maaga, at kanilang sinira ang lahat nilang gawa.

⁸ Kaya't ^(C)hintayin ninyo ako, sabi ng Panginoon, hanggang sa kaarawan na ako'y bumangon sa panghuhuli; sapagka't ang aking pasiya ay ^(D)pisanin ang mga bansa, upang aking mapisan ang mga kaharian, upang maibuhos ko sa kanila ang aking kagalitan, sa makatuwid baga'y ang aking buong mabangis na galit; sapagka't ang buong lupa ay sasakmalin, ^(E)ng silakbo ng aking paninibugho.

⁹ Sapagka't akin ngang sasaulian ang mga bayan ng dalisay na wika, upang silang lahat ay makatawag sa pangalan ng Panginoon; na paglingkuran siya na may pagkakaisa.