Mga Hebreo 13:20-22

Ang Biblia (1978)

²⁰ Ngayon ^(A)ang Dios ng kapayapaan ^(B)na muling nagdala mula sa mga patay ^(C)sa dakilang pastor ng mga tupa ^(D)sa pamamagitan ng dugo ng walang hanggang tipan, sa makatuwid baga'y ang Panginoon nating si Jesus,

²¹ Ay pakasakdalin nawa niya kayo sa ^(E)bawa't mabuting gawa upang gawin ang kanyang kalooban, ^(F)na gawin sa atin ang nakalulugod sa paningin niya, sa pamamagitan ni Jesucristo; ^(G)na mapasa kaniya nawa ang kaluwalhatian magpakailan man. Siya nawa.

²² Datapuwa't ipinamamanhik ko sa inyo, mga kapatid, na inyong pagtiisan ang salitang iniaral: sapagka't kayo'y sinulatan ko ng ilang salita.