Mga Bilang 19:13-15

Ang Biblia (1978)

¹³ Sinomang humipo ng patay, ng bangkay ng taong patay, at hindi maglilinis, ay ihahawa ang ^(A)tabernakulo ng Panginoon; at ang taong yaon ay ihihiwalay sa Israel: sapagka't ang tubig para sa karumihan ay hindi iniwisik sa kaniya, siya'y magiging marumi; ^(B)ang kaniyang karumihan ay sumasakaniya pa.

¹⁴ Ito ang kautusan pagka ang isang tao ay namamatay sa isang tolda: lahat na pumapasok sa tolda at lahat na nasa tolda ay magiging maruming pitong araw.

¹⁵ At bawa't ^(C)sisidlang bukas na walang takip na nakatali roon, ay marumi.