Mga Awit 133

Ang Biblia (1978)

133 Masdan ninyo, na pagkabuti at pagkaligaya
Sa mga magkakapatid na ^(A)magsitahang magkakasama sa pagkakaisa!
² Parang ^(B)mahalagang langis ^(C)sa ulo,
Na tumutulo sa balbas,
Sa makatuwid baga'y sa balbas ni Aaron.
Na tumulo sa laylayan ng kaniyang mga suot;
³ Gaya ng hamog sa ^(D)Hermon,
Na tumutulo sa mga ^(E)bundok ng Sion:
Sapagka't ^(F)doon pinarating ng Panginoon ang pagpapala,
Sa makatuwid baga'y ang buhay na magpakailan pa man.