Mga Awit 129

Ang Biblia (1978)

129 Madalas na ako'y dinalamhati nila mula sa ^(A)aking kabataan,
^(B)Sabihin ngayon ng Israel,
² Madalas na ako'y dinalamhati nila mula sa aking kabataan:
^(C)Gayon ma'y hindi sila nanganaig laban sa akin.
³ Ang mga mangaararo ay nagsiararo ^(D)sa aking likod;
Kanilang pinahaba ang kanilang bungkal.
⁴ Ang Panginoon ay matuwid:
Kaniyang pinutol ang mga ^(E)panali ng masama.
⁵ Mapahiya sila at magsitalikod,
Silang lahat na nangagtatanim ng loob sa Sion.
⁶ Sila'y maging ^(F)parang damo sa mga bubungan,
Na natutuyo bago lumaki:
⁷ Na hindi pinupuno ng manggagapas ang kaniyang kamay niyaon,
Ni siyang nagtatali man ng mga bigkis, ang kaniyang sinapupunan.
⁸ Hindi man sinasabi ng nagsisipagdaan,
^(G)Ang pagpapala ng Panginoon, ay sumainyo nawa;
Binabasbasan namin kayo sa pangalan ng Panginoon.