Mga Awit 121

Ang Biblia (1978)

121 Ititingin ko ang aking mga mata sa ^(A)mga bundok;
Saan baga manggagaling ang aking saklolo?
^2 (B)Ang saklolo sa akin ay nanggagaling sa Panginoon,
Na gumawa ng langit at lupa.
^3 (C)Hindi niya titiising ang paa mo'y makilos:
Siyang nagiingat sa iyo, ay ^(D)hindi iidlip.
⁴ Narito, siyang nagiingat ng Israel
Hindi iidlip ni matutulog man.
⁵ Ang Panginoon ay tagapagingat sa iyo:
Ang Panginoon ay ^(E)lilim mo sa iyong kanan.
⁶ Hindi ka sasaktan ^(F)ng araw sa araw,
Ni ng buwan man sa gabi.
⁷ Iingatan ka ng Panginoon sa lahat ng kasamaan;
Kaniyang ^(G)iingatan ang iyong kaluluwa.
^8 (H)Iingatan ng Panginoon ang iyong paglabas at ang iyong pagpasok,
Mula sa panahong ito at sa magpakailan pa man.