Mga Awit 47

Magandang Balita Biblia

Kataas-taasang Hari

Awit na katha ng angkan ni Korah upang awitin ng Punong Mang-aawit.

47 Magdiwang ang lahat ng mga nilikha!
    Pumalakpak kayong may awit at tuwa, bilang pagpupuri sa Diyos na Dakila!
²Ang Diyos na si Yahweh, Kataas-taasan, ay dakilang haring dapat na igalang;
    siya'y naghahari sa sangkatauhan.
³Tayo'y pinagwagi sa lahat ng tao,
    sa lahat ng bansa'y namahala tayo.
⁴Siya ang pumili ng ating tahanan,
    ang lupang minana ng mga hinirang. (Selah)^[a]

⁵Lumuklok sa trono si Yahweh na ating Diyos,
    sigawan at trumpeta ang siyang tumutunog.
⁶Purihin ang Diyos, siya ay awitan,
    awitan ang hari, siya'y papurihan!
⁷Ang Diyos, siyang hari ng lahat ng bansa;
    awita't purihin ng mga nilikha!

⁸Maghahari siya sa lahat ng bansa,
    magmula sa tronong banal at dakila.
⁹Sa mga hinirang ng Diyos ni Abraham,
    sasama ang mga pamunuan ng lahat ng bansa sa sandaigdigan.
Ang mga sandata ng lahat ng kawal,
    lahat ay sa Diyos na kataas-taasan.

Footnotes

Mga Awit 47:4 SELAH: Tingnan ang Awit 3:2.

'Awit 47 ' not found for the version: Ang Bagong Tipan: Filipino Standard Version.

Mga Awit 47

Ang Biblia (1978)

Sa Pangulong Manunugtog; Awit ng mga anak ni Core.

47 Oh ^(A)ipakpak ang inyong mga kamay ninyong lahat na mga bayan;
Magsihiyaw kayo sa Dios ng tinig ng pagtatagumpay.
²Sapagka't ang Panginoong kataastaasan ^(B)ay kakilakilabot;
^(C)Siya'y dakilang Hari sa buong lupa.
³^(D)Kaniyang pasusukuin ang mga bayan sa ilalim natin,
At ang mga bansa sa ilalim ng ating mga paa.
⁴Kaniyang ipipili tayo ^(E)ng ating mana,
^(F)Ang karilagan ni Jacob na kaniyang minahal. (Selah)
⁵^(G)Ang Dios ay napailanglang na may hiyawan,
Ang Panginoon na may tunog ng pakakak.
⁶Kayo'y magsiawit ng mga pagpuri sa Dios, kayo'y magsiawit ng mga pagpuri:
Kayo'y magsiawit ng mga pagpuri sa ating Hari, kayo'y magsiawit ng mga pagpuri.
⁷Sapagka't ang Dios ^(H)ay Hari ng buong lupa:
^(I)Magsiawit kayo ng mga pagpuri na may pagunawa.
⁸^(J)Ang Dios ay naghahari sa mga bansa:
Ang Dios ay nauupo sa kaniyang banal na luklukan.
⁹Ang mga pangulo ng mga bayan ay nangapipisan
Upang maging bayan ng Dios ni Abraham;
Sapagka't ang mga ^(K)kalasag ng lupa ay ukol sa Dios;
Siya'y totoong bunyi.

Magandang Balita Biblia (MBBTAG)

Philippine Bible Society - Making the Bible Known

Ang Bagong Tipan: Filipino Standard Version (FSV)

Ang Biblia (1978) (ABTAG1978)

Mga Awit 47 Magandang Balita Biblia