Mateo 4:23-25

Ang Biblia (1978)

²³ At nilibot ni Jesus ang buong Galilea, ^(A)na nagtuturo sa mga sinagoga nila, at ipinangangaral ^(B)ang evangelio ng kaharian, ^(C)at nagpapagaling ng lahat ng sarisaring sakit at ng lahat ng karamdaman na nasa mga tao.

²⁴ At lumaganap ang pagkabantog niya sa buong ^(D)Siria: at kanilang dinadala sa kaniya ang lahat ng mga may karamdaman, at ang mga pinipighati ng sarisaring sakit at pahirap, at ang mga ^(E)inaalihan ng mga demonio, at ang mga ^(F)himatayin, at ang mga lumpo: at sila'y pinagagaling niya.

^25 (G)At sinundan siya ng lubhang karamihang tao mula sa Galilea at ^(H)Decapolis at Jerusalem at Judea at mula sa dakong ibayo ng Jordan.