⁵⁹ Ang mga pangulong saserdote nga at ang buong Sanedrin ay nagsisihanap ng patotoong kabulaanan laban kay Jesus, upang siya'y kanilang maipapatay;

⁶⁰ At yao'y hindi nila nangasumpungan, bagaman ^(A)maraming nagsiharap na mga saksing bulaan. Nguni't pagkatapos ay nagsidating ang dalawa,

⁶¹ At nangagsabi, Sinabi ng taong ito, ^(B)Maigigiba ko ang templo ng Dios, at muling itatayo ko sa tatlong araw.

⁶² At nagtindig ang dakilang saserdote, at sinabi sa kaniya, Wala kang isinasagot na anoman? Ano itong sinasaksihan ng mga ito laban sa iyo?

⁶³ Datapuwa't hindi umimik si ^(C)Jesus. At sinabi ng dakilang saserdote sa kaniya, ^(D)Kita'y pinapanunumpa alangalang sa Dios na buhay, na sabihin mo sa amin kung ikaw nga ang Cristo, ^(E)ang Anak ng Dios.

⁶⁴ At sinabi sa kaniya ni Jesus, Ikaw ang nagsabi: gayon ma'y sinasabi ko sa inyo, Buhat ngayon ay ^(F)inyong makikita ang Anak ng tao na nakaupo sa kanan ng Kapangyarihan, at pumaparitong nasa mga alapaap ng langit.

⁶⁵ Nang magkagayoy hinapak ng dakilang saserdote ang kaniyang mga damit, na sinasabi, Nagsalita siya ng kapusungan: ano pa ang kailangan natin ng mga saksi? narito, ngayo'y narinig ninyo ang kapusungan:

⁶⁶ Ano ang akala ninyo? Nagsisagot sila at kanilang sinabi, ^(G)Karapatdapat siya sa kamatayan.

⁶⁷ Nang magkagayo'y ^(H)niluraan nila ang kaniyang mukha at siya'y kanilang pinagsusuntok: at tinatampal siya ng mga iba,

⁶⁸ Na nangagsasabi, ^(I)Hulaan mo sa amin, ikaw Cristo: sino ang sa iyo'y bumubugbog?

⁵⁴ At si Pedro ay sumunod sa kaniya sa malayo, hanggang sa loob ng looban ng dakilang saserdote; at nakiumpok siya sa mga punong kawal, at ^(A)nagpapainit sa ningas ng apoy.

⁵⁵ Ang mga pangulong saserdote nga at ang buong Sanedrin ay nagsisihanap ng patotoo laban kay Jesus upang siya'y ipapatay; at hindi nangasumpungan.

⁵⁶ Sapagka't marami ang nagsisaksi ng kasinungalingan laban sa kaniya, at ang kanilang mga patotoo ay hindi nangagkatugma.

⁵⁷ At nagsipagtindig ang ilan, at nagsisaksi ng kasinungalingan laban sa kaniya, na sinasabi,

⁵⁸ Narinig naming sinabi niya, ^(B)Aking igigiba ang templong ito ^(C)na gawa ng mga kamay, at sa loob ng tatlong araw ay itatayo ko ang ibang hindi gawa ng mga kamay.

⁵⁹ At kahit sa papagayon man ay hindi rin nangagkatugma ang patotoo nila.

⁶⁰ At nagtindig sa gitna ang dakilang saserdote, at tinanong si Jesus na sinabi, Hindi ka sumasagot ng anoman? ano ang sinasaksihan ng mga ito laban sa iyo?

⁶¹ Datapuwa't siya'y hindi umiimik, at walang isinagot. Tinanong siyang muli ^(D)ng dakilang saserdote, at sinabi sa kaniya, Ikaw baga ang Cristo, ang Anak ng Mapalad?

⁶² At sinabi ni Jesus, Ako nga; ^(E)at makikita ninyo ang Anak ng tao na nakaupo sa kanan ng Makapangyarihan, at pumaparito na nasa mga alapaap ng langit.

⁶³ At hinapak ng dakilang saserdote ang kaniyang mga damit, at nagsabi, Ano pang kailangan natin ng mga saksi?

⁶⁴ Narinig ninyo ang kapusungan: ano sa akala ninyo? At hinatulan nilang lahat na siya'y dapat mamatay.

⁶⁵ At pinasimulang luraan siya ng ilan, at ^(F)tinakpan ang kaniyang mukha, at siya'y pinagsusuntok, at sa kaniya'y kanilang sinasabi, Hulaan mo: at siya'y pinagsusuntok ng mga punong kawal.

^63 (A)At nililibak si Jesus, at siya'y sinasaktan ng mga taong nangagbabantay.

⁶⁴ At siya'y piniringan nila, at tinatanong siya, na sinasabi, Hulaan mo; sino ang sa iyo'y humampas?

⁶⁵ At sinabi nila ang ibang maraming bagay laban sa kaniya, na siya'y inaalimura.

⁶⁶ At nang araw na, ay nagkatipon ang kapulungan ng matatanda sa bayan, ang mga pangulong saserdote, at gayon din ang mga eskriba, at dinala siya sa kanilang Sanedrin, na sinasabi,

⁶⁷ Kung ikaw ang Cristo, ay sabihin mo sa amin. Datapuwa't sinabi niya sa kanila, Kung sabihin ko sa inyo, ay hindi ninyo ako paniniwalaan:

⁶⁸ At kung kayo'y aking tanungin, ay hindi kayo magsisisagot.

⁶⁹ Datapuwa't ^(B)magmula ngayon ang Anak ng tao ay mauupo sa kanan ng kapangyarihan ng Dios.

⁷⁰ At sinabi nilang lahat, Kung gayo'y ikaw baga ang ^(C)Anak ng Dios? At sinabi niya sa kanila, Kayo ang nangagsasabi ^(D)na ako nga.

⁷¹ At sinabi nila, Ano pa ang kailangan natin ng patotoo? sapagka't tayo rin ang nangakarinig sa kaniyang sariling bibig.