Paunang Sinabi ang Pagtatatwa ni Pedro^(A)

³¹ Pagkatapos^(B) ay sinabi ni Jesus sa kanila, “Kayong lahat ay tatalikod^[a] dahil sa akin sa gabing ito; sapagkat nasusulat, ‘Sasaktan ko ang pastol, at ang mga tupa ng kawan ay magkakawatak-watak.’

³² Subalit^(C) matapos na ako'y maibangon na ay mauuna ako sa inyo sa Galilea.”

³³ Ngunit sumagot si Pedro at sinabi sa kanya, “Kung ang lahat man ay tumalikod dahil sa iyo, ako kailanma'y hindi tatalikod.”

³⁴ Sinabi ni Jesus sa kanya, “Katotohanang sinasabi ko sa iyo, sa gabing ito, bago tumilaok ang manok, ay ipagkakaila mo ako ng tatlong ulit.”

³⁵ Sinabi sa kanya ni Pedro, “Kahit kinakailangang ako'y mamatay na kasama mo, ay hindi kita ipagkakaila.” Gayundin ang sinabi ng lahat ng mga alagad.

Ang Unang Pagbanggit ni Jesus sa Pagtatatwa ni Pedro^(A)

²⁷ Sinabi^(B) sa kanila ni Jesus, “Kayong lahat ay tatalikod sapagkat nasusulat, ‘Hahampasin ko ang pastol at kakalat ang mga tupa.’

²⁸ Ngunit^(C) matapos akong maibangon, mauuna ako sa inyo sa Galilea.”

²⁹ Subalit sinabi sa kanya ni Pedro, “Kahit tumalikod man ang lahat, ako'y hindi.”

³⁰ Kaya't sinabi sa kanya ni Jesus, “Katotohanang sinasabi ko sa iyo na ngayon, sa gabi ring ito, bago tumilaok ang manok ng makalawa, itatatwa mo ako nang tatlong ulit.”

³¹ Ngunit sinabi niya nang may diin, “Kung kinakailangang mamatay akong kasama mo, hindi kita ipagkakaila.” Gayundin ang sinabi ng lahat.

Sinabi ni Jesus ang Pagkakaila ni Pedro^(A)

³¹ “Simon, Simon, narito, hiningi ni Satanas na ligligin kayo gaya ng trigo,

³² subalit ako ay nanalangin para sa iyo upang ang iyong pananampalataya ay huwag mawala; kung makabalik ka nang muli, ay palakasin mo ang iyong mga kapatid.”

³³ At sinabi niya sa kanya, “Panginoon, handa akong sumama sa iyo sa bilangguan at sa kamatayan.”

³⁴ Sinabi ni Jesus,^[a] “Sinasabi ko sa iyo, Pedro, ang manok ay hindi titilaok sa araw na ito hanggang hindi mo ako naipagkakaila ng tatlong ulit.”