^26 (A)At samantalang sila'y nagsisikain, ay dumampot si Jesus ng tinapay, at pinagpala, at pinagputolputol; at ibinigay sa mga alagad, at sinabi, Kunin ninyo, kanin ninyo; ito ang aking katawan.

²⁷ At dumampot siya ng isang saro, at nagpasalamat, at ibinigay sa kanila, na nagsasabi, Magsiinom kayong lahat diyan;

²⁸ Sapagka't ^(B)ito ang aking dugo ng tipan, na nabubuhos ^(C)dahil sa marami, ^(D)sa ikapagpapatawad ng mga kasalanan.

²² At samantalang sila'y nagsisikain, ay ^(A)dumampot siya ng tinapay, at nang kaniyang mapagpala, ay kaniyang pinagputolputol, at ibinigay sa kanila, at sinabi, Inyong kunin: ito ang aking katawan.

²³ At siya'y dumampot ng isang saro, at nang siya'y makapagpasalamat, ay ibinigay niya sa kanila: at doo'y nagsiinom silang lahat.

²⁴ At sinabi niya sa kanila, Ito'y ang aking dugo ng tipan, na nabubuhos dahil sa marami.

²³ Sapagka't ^(A)tinanggap ko sa Panginoon ang ibinibigay ko naman sa inyo; na ^(B)ang Panginoong Jesus nang gabing siya'y ipagkanulo ay dumampot ng tinapay;

²⁴ At nang siya'y makapagpasalamat, ay kaniyang pinagputolputol, at sinabi, Ito'y aking katawan na pinagputolputol dahil sa inyo: gawin ninyo ito sa pagaalaala sa akin.

²⁵ At gayon din naman hinawakan ang saro pagkatapos na makahapon, na sinasabi, Ang sarong ito'y siyang bagong tipan sa aking dugo: gawin ninyo ito sa tuwing kayo'y magsisiinom, sa pagaalaala sa akin.

⁵¹ Ako ang tinapay na buhay ^(A)na bumabang galing sa langit: kung ang sinoman ay kumain ng tinapay na ito, siya'y mabubuhay magpakailan man: oo at ^(B)ang tinapay na aking ibibigay ay ang aking laman, ^(C)sa ikabubuhay ng sanglibutan.