Mateo 26:14-16
Ang Biblia (1978)
14 (A)Nang magkagayo'y isa sa labingdalawa, na tinatawag na (B)Judas Iscariote, ay naparoon sa mga pangulong saserdote,
15 At sinabi, (C)Ano ang ibig ninyong ibigay sa akin, at siya'y ibibigay ko sa inyo? At siya'y tinimbangan nila ng (D)tatlongpung putol na pilak.
16 At buhat nang panahong yao'y humanap siya ng pagkakataon upang maibigay siya.
Read full chapter
Mateo 26:14-16
Ang Bagong Tipan: Filipino Standard Version
Nakipagkasundo si Judas sa mga Kaaway ni Jesus(A)
14 Pagkatapos nito, isa sa labindalawa na nagngangalang Judas Iscariote ang pumunta sa mga punong pari, 15 at (B) nagtanong, “Ano'ng ibibigay ninyo sa akin, kung ibibigay ko siya sa inyo?” At siya'y binayaran nila ng tatlumpung pirasong pilak. 16 Mula noon ay humanap siya ng pagkakataon na maipagkanulo si Jesus.[a]
Read full chapterFootnotes
- Mateo 26:16 Sa Griyego, siya.
Lucas 22:3-6
Ang Biblia (1978)
3 At (A)pumasok (B)si Satanas kay Judas, na tinatawag na Iscariote, na kabilang sa labingdalawa.
4 At siya'y umalis, at nakipagusap sa mga pangulong saserdote at mga (C)punong kawal kung paanong maibibigay niya siya sa kanila.
5 At sila'y nangagalak, at pinagkasunduang bigyan siya ng salapi.
6 At pumayag siya, at humanap ng ukol na panahon upang kaniyang maibigay siya sa kanila, (D)nang hindi kaharap ang karamihan.
Read full chapter
Lucas 22:3-6
Ang Bagong Tipan: Filipino Standard Version
3 Pumasok si Satanas kay Judas, na tinatawag na Iscariote, na kabilang sa labindalawa. 4 Umalis siya at nakipag-usap sa mga punong pari at mga pinuno ng mga bantay sa templo kung paano niya maipagkakanulo sa kanila si Jesus. 5 Natuwa sila at nagkasundong bigyan ng salapi si Judas. 6 Pumayag naman ito at naghanap ng pagkakataong ipagkanulo si Jesus sa kanila nang lingid sa maraming tao.
Read full chapterAng Biblia Copyright © Philippine Bible Society 1905, 1915, 1933, 1978
Ang Bagong Tipan: Filipino Standard Version, Copyright © Philippine Bible Society 2009.