Mak 8:27-30

Nouvo Testaman: Vèsyon Kreyòl Fasil

Pyè konnen kilès Jezi ye

(Mat 16:13-20; Lik 9:18-21)

²⁷ Jezi ak disip li yo ale nan vil yo ki nan zòn Sezare Filip la. Sou wout la Jezi mande disip li yo: “Ki lès nou tande yo di mwen ye?”

²⁸ Yo reponn li: “Kèk moun di ou se Janbatis, yon lòt gwoup di ou se Eli. Gen lòt menm ankò ki di tou ou se youn nan pwofèt yo.”

²⁹ Lè sa a, Jezi di yo: “E nou menm, kilès nou di mwen ye?”

Pyè reponn li: “Ou se Kris la.”

³⁰ Jezi di disip li yo pou yo pa di okenn moun kilès li ye.