Lik 9:18-21

Nouvo Testaman: Vèsyon Kreyòl Fasil

Pyè konnen kilès Jezi ye

(Mat 16:13-19; Mak 8:27-29)

¹⁸ Yon lè, pandan Jezi t ap priye poukont li, tout apot li yo vin rasanble kote l. Li pwofite poze yo kesyon sa a: “Ki moun foul la di mwen ye?”

¹⁹ Yo reponn li: “Anpil moun di ou se Janbatis. Gen lòt ki di ou se Eli. Gen lòt menm ki di ou se youn nan ansyen pwofèt yo ki resisite.”

²⁰ Lè sa a Jezi di yo: “E nou menm, ki moun nou di mwen ye?”

Pyè reponn, li di: “Ou se Kris Bondye voye a.”

²¹ Jezi pase yo lòd sevè pou yo pa di pèsonn moun sa.