Lucas 8:16-18

Ang Biblia, 2001

Ang Ilawan sa Ilalim ng Takalan^(A)

¹⁶ “Walang^(B) taong pagkatapos magsindi ng ilawan ay tinatakpan ito ng isang takalan, o kaya'y inilalagay ito sa ilalim ng higaan, kundi inilalagay ito sa talagang lalagyan upang makita ng mga pumapasok ang liwanag.

¹⁷ Sapagkat^(C) walang nakatago na hindi mahahayag o walang lihim na di malalaman at malalantad sa liwanag.

¹⁸ Kaya't^(D) mag-ingat kayo kung paano kayo nakikinig, sapagkat siyang mayroon ay lalo pang bibigyan at ang sinumang wala, pati na ang inaakala niyang nasa kanya ay kukunin.”