¹⁷ Iyong salitain kay Aaron, na iyong sasabihin, Sinoman sa iyong mga binhi, sa buong panahon ng kaniyang lahi, na magkaroon ng anomang kapintasan, ay huwag lumapit na maghandog ng tinapay ng kaniyang Dios.

¹⁸ Sapagka't sinomang magkaroon ng kapintasan ay huwag lalapit; maging ang taong bulag, o pilay, o magkaroon ng ilong na ungod, ^(A)o ang mayroong kuntil,

¹⁹ O ang taong magkaroon ng paang bali o kamay na bali,

²⁰ O taong kuba, o unano, o magkaroon ng kapintasan sa kaniyang mata, o galisin, o langibin, o ^(B)luslusin:

²¹ Walang tao sa binhi ni Aaron na saserdote, na magkaroon ng kapintasan, na lalapit upang magharap ng mga handog sa Panginoon na pinaraan sa apoy: siya'y may kapintasan; siya'y huwag lalapit na magharap ng tinapay ng kaniyang Dios.

²² Kaniyang kakanin ang tinapay ng kaniyang Dios, ^(C)ang pinakabanal at ^(D)ang mga bagay na banal:

¹⁰ At ang iyong pagkain na iyong kakanin ay magiging ayon sa timbang, dalawang pung siklo isang araw: araw-araw ay iyong kakanin.

¹¹ At ikaw ay iinom ng tubig ayon sa takal, na ikaanim na bahagi ng ^(A)isang hin: araw-araw ikaw ay iinom.

¹² At iyong kakaning parang mga munting tinapay na cebada, at iyong lulutuin sa dumi na galing sa tao sa kanilang paningin.

¹³ At sinabi ng Panginoon, Ganito ^(B)kakanin ng mga anak ni Israel ang kanilang maruming tinapay, sa gitna ng mga bansa na aking pagtatabuyan sa kanila.

¹⁴ Nang magkagayo'y sinabi ko, ^(C)Ah Panginoong Dios! narito, ang aking kaluluwa ay hindi nadumhan, sapagka't mula sa aking kabataan hanggang ngayon ay hindi ako ^(D)kumain ng namamatay sa sarili, o nilapa ng mga hayop; ^(E)o pumasok man ang kasuklamsuklam na karne sa aking bibig.