Judas 15-17

Ang Biblia (1978)

¹⁵ Upang isagawa ang paghuhukom sa lahat, at upang sumbatan ang lahat ng masasama sa lahat ng kanilang mga gawang masasama na kanilang ginawang may kasamaan, at sa lahat ng mga bagay na mabibigat ^(A)na sinalita laban sa kaniya ng mga makasalanang masasama.

¹⁶ Ang mga ito'y mga mapagbulong, mga madaingin, na nangagsisilakad ayon sa kanilang masasamang pita (at ang ^(B)kanilang bibig ay nangagsasalita ng mga kapalaluan), ^(C)nangagpapakita ng galang sa mga tao dahil sa pakikinabangin.

¹⁷ Nguni't kayo, mga minamahal, ^(D)ay alalahanin ninyo ang mga salitang nang una'y sinabi ng mga apostol ng ating Panginoong Jesucristo;