Judas 12-14

Ang Biblia (1978)

¹² Ang mga ito'y pawang mga batong natatago ^(A)sa inyong piging ng pagiibigan, kung sila'y nakikipagpiging sa inyo, mga pastor na walang takot na nangagpapasabsab sa kanilang sarili; ^(B)mga alapaap na walang tubig, na ^(C)tinatangay ng mga hangin; mga punong kahoy sa taginaw na walang bunga, na makalawang namatay, na binunot pati ugat;

¹³ Mga mabangis na alon sa dagat, na pinagbubula ang kanilang sariling kahihiyan; mga bituing gala na siyang pinaglaanan ng pusikit ng kadiliman magpakailan man.

¹⁴ At ang mga ito naman ang hinulaan ni Enoc, na ^(D)ikapito sa bilang mula kay Adam, na nagsabi, Narito, dumating ang Panginoon, na kasama ang kaniyang mga ^(E)laksalaksang banal,