Juan 18:1-3

Ang Biblia (1978)

18 Nang masalita ni Jesus ang mga salitang ito, ^(A)siya'y umalis na kasama ng kaniyang mga alagad na nagsitawid ng batis ng Cedron, na doo'y may isang halamanan, na pinasok niya at ng kaniyang mga alagad.

² Si Judas nga rin naman, na sa kaniya'y nagkanulo, ay nalalaman ang dako: sapagka't madalas na si ^(B)Jesus ay nakikipagkatipon sa kaniyang mga alagad doon.

³ Si Judas nga, ^(C)pagkatanggap ng pulutong ng mga kawal, at mga punong kawal na mula sa mga pangulong saserdote at mga Fariseo, ay nagsiparoon na may mga ilawan at mga sulo at mga sandata.