¹⁹ At ito ang patotoo ni Juan, nang suguin sa kaniya ng mga Judio mula sa Jerusalem ang mga saserdote at mga Levita upang sa kaniya'y itanong, Sino ka baga?

²⁰ At kaniyang ipinahayag, at hindi ikinaila; at kaniyang ipinahayag, Hindi ako ang Cristo.

²¹ At sa kaniya'y kanilang itinanong, Kung gayo'y ano nga? Ikaw baga'y si ^(A)Elias? At sinabi niya, Hindi ako. Ikaw baga ^(B)ang propeta? At siya'y sumagot, Hindi.

²² Sinabi nga nila sa kaniya, Sino ka baga? upang ibigay namin ang kasagutan sa nangagsugo sa amin. Ano ang sinasabi mo tungkol sa iyong sarili?

²³ Sinabi niya, ^(C)Ako ang tinig ng isang humihiyaw sa ilang, Tuwirin ninyo ang daan ng Panginoon, gaya ng sinabi ng propeta Isaias.

²⁴ At sila'y sinugo buhat sa mga Fariseo.

²⁵ At sa kaniya'y kanilang itinanong, at sinabi sa kaniya, Bakit nga bumabautismo ka, kung hindi ikaw ang Cristo, ni si Elias, ni ang propeta?

²⁶ Sila'y sinagot ni Juan, na nagsasabi, ^(D)Ako'y bumabautismo sa tubig: datapuwa't sa gitna ninyo'y may isang nakatayo na hindi ninyo nakikilala,

²⁷ Siya nga ang pumaparitong sumusunod sa akin, na sa kaniya'y hindi ako karapatdapat magkalag ng panali ng kaniyang pangyapak.

²⁷ Sumagot si Juan at sinabi, Hindi makatatanggap ng anoman ang isang tao, malibang ito'y ipinagkaloob sa kaniya mula sa langit.

²⁸ Kayo man ay magsisisaksi sa akin, na aking sinabi, ^(A)Hindi ako ang Cristo, kundi, na ^(B)ako'y sinugo sa unahan niya.

²⁹ Ang nagtatangkilik sa kasintahang babae ^(C)ay ang kasintahang lalake: datapuwa't ang ^(D)kaibigan ng kasintahang lalake, na nakatayo at nakikinig sa kaniya, ay nagagalak na lubos dahil sa tinig ng kasintahang lalake: ito ngang aking kaligayahan ay naganap.

^30 (E)Siya'y kinakailangang dumakila, ngunit ako'y kinakailangang bumaba.