Job 12:7-24

Ang Biblia (1978)

⁷ Nguni't tanungin mo ngayon ang mga hayop, at tuturuan ka nila:
At ang mga ibon sa himpapawid, at kanilang sasaysayin sa iyo:
⁸ O magsalita ka sa lupa, at magtuturo sa iyo;
At ang mga isda sa dagat ay magsasaysay sa iyo.
⁹ Sinong hindi nakakaalam sa lahat ng mga ito,
Na ^(A)ang kamay ng Panginoon ang siyang gumawa nito?
^10 (B)Nasa kamay niya ang kaluluwa ng bawa't bagay na may buhay,
At ang hininga ng lahat ng mga tao.
^11 (C)Hindi ba lumilitis ng mga salita ang pakinig;
Gaya ng ngalangala na lumalasa ng pagkain niya?
¹² Nasa mga matanda ang karunungan,
At sa kagulangan ang unawa.
¹³ Nasa Dios ang karunungan at kakayahan;
Kaniya ang payo at pagkaunawa.
¹⁴ Narito, siya'y nagbabagsak at hindi maitayo uli;
^(D)Siya'y kumulong ng tao at hindi mapagbubuksan.
¹⁵ Narito, ^(E)kaniyang pinipigil ang tubig at nangatutuyo;
Muli, kaniyang ^(F)binibitawan sila at ginugulo nila ang lupa.
¹⁶ Nasa kaniya ang kalakasan at ang karunungan,
Ang nadadaya at ang magdaraya ay kaniya.
¹⁷ Kaniyang ^(G)pinalalakad ang mga kasangguni na hubad sa bait,
At ginagawa niyang mga mangmang ang mga hukom.
¹⁸ Kaniyang kinakalag ang panali ng mga hari,
At binibigkisan ang kanilang mga baywang ng pamigkis.
¹⁹ Kaniyang pinalalakad na ^(H)hubad sa bait ang mga saserdote.
²⁰ Kaniyang pinapagbabago ang pananalita ng napagtitiwalaan.
At ^(I)inaalis ang pagkaunawa ng mga matanda.
^21 (J)Siya'y nagbubuhos ng kutya sa mga pangulo,
At kinakalag ang pamigkis ng malakas.
²² Siya'y naglilitaw ng mga malalim
na bagay mula sa kadiliman,
At inilalabas sa liwanag ang lihim ng kamatayan.
^23 (K)Kaniyang pinararami ang mga bansa at mga nililipol niya:
Kaniyang pinalaki ang mga bansa, at mga dinala sa pagkabihag.
²⁴ Kaniyang inaalis ang pangunawa mula sa mga pinuno ng bayan sa lupa,
At ^(L)kaniyang pinagagala sila sa ilang na doo'y walang lansangan.