Jeremias 49:21-23

Ang Biblia (1978)

²¹ Ang lupa ay nayayanig sa ^(A)hugong ng kanilang pagkabuwal; may hiyawan, na ang ingay ay naririnig sa Dagat na Mapula.

²² Narito, ^(B)siya'y sasampa at parang aguila na lilipad, at magbubuka ng kaniyang mga pakpak laban sa ^(C)Bosra: at ang puso ng mga makapangyarihang lalake ng Edom sa araw na yaon ay magiging parang puso ng babae sa kaniyang pagdaramdam.

Ang salita ng Panginoon tungkol sa Damasco.

²³ Tungkol sa Damasco. Ang Hamath ay ^(D)napahiya, at ang Arphad; sapagka't sila'y nangakarinig ng mga masamang balita, sila'y nanganglulupaypay: may kapanglawan sa dagat; hindi maaaring tumahimik.