Isaias 49:22-24

Ang Biblia (1978)

²² Ganito ang sabi ng Panginoong Dios, ^(A)Narito, aking ikakaway ang aking kamay sa mga bansa, at itatayo ko ang aking watawat sa mga bayan; at sila'y kakalong ng iyong mga anak na lalake sa kanilang sinapupunan, at ang iyong mga anak na babae ay papasanin ng kanilang mga balikat.

^23 (B)At mga hari ang magiging iyong mga taga kandiling ama, at ang kanilang mga reina, ay iyong mga taga kandiling ina: sila'y magsisiyukod sa iyo ^(C)ng kanilang mga mukha sa lupa, at ^(D)hihimuran ang alabok ng inyong mga paa: at iyong makikilala, na ako ang Panginoon, at ang nangaghihintay sa akin ay ^(E)hindi mangapapahiya.

²⁴ Makukuha baga ang huli sa makapangyarihan, o maliligtas ang mga talagang nabihag?