Isaias 41:15-17

Ang Biblia (1978)

¹⁵ Narito, aking ginawa kang bagong kasangkapang panggiik na matalas na may mga ngipin; iyong gigiikin ang mga bundok, at didikdiking durog, at iyong gagawin ang mga burol na parang ipa.

¹⁶ Iyong pahahanginan, ^(A)at tatangayin ng hangin, at pangangalatin ng ipoipo: at ikaw ay magagalak sa Panginoon, ^(B)ikaw ay luwalhati sa Banal ng Israel.

¹⁷ Ang dukha at mapagkailangan ay humahanap ng tubig, at wala, at ang kanilang dila ay natutuyo dahil sa uhaw; akong Panginoon ay sasagot sa kanila, akong ^(C)Dios ng Israel ay hindi magpapabaya sa kanila.