Ang Landas ng Kabanalan

² ito ay mamumulaklak nang sagana,

Ang hinaharap ng Sion.

35 Ang ilang ^(A)at ang tuyong lupa ay sasaya; at ang ilang ay magagalak, at mamumulaklak na gaya ng rosa.

² Mamumulaklak ng sagana, ^(B)at magagalak ng kagalakan at awitan; ang kaluwalhatian ng Libano ay mapaparoon, ang karilagan ng Carmel at ng Saron: kanilang makikita ang kaluwalhatian ng Panginoon, ang karilagan ng ating Dios.

³ Inyong palakasin ^(C)ang mga mahinang kamay, at patatagin ang mga mahinang tuhod.

⁴ Inyong sabihin sa kanila na matatakuting puso, Kayo'y mangagpakatapang, huwag kayong mangatakot: narito, ang inyong Dios ay pariritong may panghihiganti, may kagantihan ng Dios; siya'y paririto at ililigtas kayo.

⁵ Kung magkagayo'y madidilat ang mga mata ^(D)ng bulag, at ^(E)ang mga pakinig ng bingi ay mabubuksan.

⁶ Kung magkagayo'y lulukso ang ^(F)pilay na parang usa, at ^(G)ang dila ng pipi ay aawit: sapagka't sa ilang ay bubukal ^(H)ang tubig, at magkakailog sa ilang.

⁷ At ang buhanginang kumikislap ay magiging lawa, at ang uhaw na lupa ay mga bukal ng tubig; sa ^(I)tahanan ng mga chakal, na kanilang hinihiligan, magkakaroon ng damo pati ng mga tambo at mga yantok.

⁸ At magkakaroon doon ng isang lansangan, at ng isang daan, at tatawagin Ang daan ng kabanalan; ang marumi ay ^(J)hindi daraan doon; kundi magiging sa kaniyang bayan: ang mga palalakad na tao, oo, maging ang mga mangmang, ay hindi mangaliligaw roon.

⁹ Hindi magkakaroon ng leon doon, ^(K)o sasampa man doon ang anomang mabangis na hayop, hindi mangasusumpungan doon; kundi ang nangatubos ay lalakad doon.

¹⁰ At ang pinagtutubos ^(L)ng Panginoon ay mangagbabalik, at magsisiparoong nagaawitan sa Sion; at walang hanggang kagalakan ay mapapasa kanilang mga ulo: sila'y mangagtatamo ng kasayahan at kagalakan, at ang kapanglawan at ang pagbubuntong-hininga ay ^(M)mapaparam.