Genesis 28:13-19

Ang Biblia (1978)

^13 (A)At, narito, ang Panginoon ay nasa kataastaasan niyaon, at nagsabi, ^(B)Ako ang Panginoon, ang Dios ni Abraham na iyong ama, at ang Dios ni Isaac: ^(C)ang lupang kinahihigaan mo ay ibibigay ko sa iyo at sa iyong binhi;

^14 (D)At ang iyong binhi ay magiging parang alabok sa lupa, at kakalat ka sa kalunuran, at sa silanganan, at sa hilagaan, at sa timugan ^(E)at sa iyo at sa iyong binhi ay pagpapalain ang lahat ng angkan sa lupa.

¹⁵ At, narito't ^(F)ako'y sumasa iyo, at iingatan kita saan ka man pumaroon, ^(G)at pababalikin kita sa lupaing ito ^(H)sapagka't hindi kita iiwan hanggang hindi ko magawa ang sinalita ko sa iyo.

¹⁶ At nagising si Jacob sa kaniyang panaginip, at nagsabi, ^(I)Tunay na ang Panginoon ay nasa dakong ito, at hindi ko nalalaman.

¹⁷ At siya'y natakot, at kaniyang sinabi, Kakilakilabot na dako ito! ito'y hindi iba kundi bahay ng Dios, at ito ang pintuan ng langit.

¹⁸ At si Jacob ay bumangong maaga ng kinaumagahan, at kinuha ang batong kaniyang inilagay sa ulunan niya, ^(J)at kaniyang itinayo na pinakaalaala, ^(K)at kaniyang binuhusan ng langis sa ibabaw.

^19 (L)At ang ipinangalan niya sa dakong yaon ay Betel: datapuwa't ang pangalan ng bayan nang una ay Luz.