Exodo 13:13-15

Ang Biblia (1978)

¹³ At bawa't panganay sa asno ay tutubusin mo ng isang kordero;^[a] at kung hindi mo tutubusin, ay iyo ngang babaliin ang kaniyang leeg: ^(A)at lahat ng mga panganay na lalake sa iyong mga anak ay iyong tutubusin.

^14 (B)At mangyayari, na pagtatanong sa iyo ng iyong anak sa panahong darating, na sasabihin, Ano ito? na iyong sasabihin sa kaniya: Sa pamamagitan ng lakas ng kamay ay inilabas tayo ng Panginoon sa Egipto, sa bahay ng pagkaalipin.

¹⁵ At nangyari, nang magmatigas si Faraon na hindi kami tulutang yumaon, ay pinatay ng ^(C)Panginoon ang lahat ng mga panganay sa lupain ng Egipto, ang panganay ng tao at gayon din ang panganay ng hayop: kaya't aking inihahain sa Panginoon ang lahat ng nagbubukas ng bahay-bata na mga lalake; nguni't lahat ng panganay ng aking anak ay aking ^(D)tinutubos.