Exodo 26:31-35

Ang Biblia (1978)

³¹ At gagawa ka ng isang ^(A)lambong na bughaw at kulay-ube, at pula at linong pinili: na may mga querubing mainam ang pagkayari:

³² At iyong isasampay sa apat na haliging akasia na balot ng ginto, na pati ng kanilang mga pangipit ay ginto rin: na nakapatong sa ibabaw ng apat na tungtungang pilak.

³³ At iyong ibibitin ang lambong sa ilalim ng mga pangalawit, at iyong ipapasok doon sa loob ng lambong ^(B)ang kaban ng patotoo: at paghihiwalayin sa inyo ng lambong ang dakong banal at ang kabanalbanalang dako.

³⁴ At iyong ilalagay ang ^(C)luklukan ng awa sa ibabaw ng kaban ng patotoo sa kabanalbanalang dako.

^35 (D)At iyong ilalagay ang dulang sa labas ng lambong, at ^(E)ang kandelero ay sa tapat ng dulang sa tagiliran ng tabernakulo na dakong timugan: at ang dulang ay ilalagay mo sa dakong hilagaan.