Apocalipsis 3:17-19

Ang Biblia (1978)

¹⁷ Sapagka't sinasabi mo, Ako'y mayaman, at nagkamit ng kayamanan, at hindi ako nangangailangan ng anoman; at hindi mo nalalamang ikaw ang aba at maralita at dukha at bulag at hubad:

¹⁸ Ipinapayo ko sa iyo ^(A)na ikaw ay bumili sa akin ng gintong dinalisay ng apoy, upang ikaw ay yumaman: at ng ^(B)mapuputing damit, upang iyong maisuot, at upang huwag mahayag ang iyong kahiyahiyang kahubaran; at ng pangpahid sa mata, na ipahid sa iyong mga mata, upang ikaw ay makakita.

¹⁹ Ang lahat kong iniibig, ay aking sinasaway ^(C)at pinarurusahan: ikaw nga'y magsikap, at ^(D)magsisi.