Amos 2:8-10

Ang Biblia (1978)

⁸ At sila'y nangahihiga sa tabi ng lahat na dambana, sa ibabaw ^(A)ng mga kasuutang sangla; at sa bahay ng kanilang Dios ay nagsisiinom ng alak ng mga multa.

⁹ Gayon ma'y nililipol ko ^(B)ang Amorrheo sa harap nila, na ang taas ay gaya ng taas ng mga cedro, at siya'y malakas na gaya ng mga encina; gayon ma'y nilipol ko ang kaniyang bunga sa itaas, at ang kaniyang mga ugat sa ilalim.

¹⁰ Iniahon ^(C)ko rin kayo sa lupain ng Egipto, at pinatnubayan ko kayong apat na pung taon sa ilang, upang ariin ninyo ang lupain ng Amorrheo.