2 Samuel 15:18-20

Ang Biblia (1978)

¹⁸ At ang lahat niyang mga lingkod ay nagsidaan sa siping niya; at ang lahat na ^(A)Ceretheo, at ang lahat na ^(B)Peletheo, at ang lahat ng mga Getheo, na anim na raang lalake na nagsisunod sa kaniya mula sa ^(C)Gath, na nangagpapauna sa hari.

¹⁹ Nang magkagayo'y sinabi ng hari kay ^(D)Ittai na Getheo, Bakit pati ikaw ay sumasama sa amin? bumalik ka at tumahan kang kasama ng hari: sapagka't ikaw ay taga ibang lupa at tapon pa: bumalik ka sa iyong sariling dako.

²⁰ Yamang kahapon ka lamang dumating ay papagpapanhik manaugin na ba kita sa araw na ito na kasama namin, dangang ako'y ^(E)yumayaon kung saan maaari? bumalik ka, at ibalik mo ang iyong mga kapatid; kaawaan at katotohanan nawa ang sumaiyo.