2 Mga Hari 19:22-24

Ang Biblia (1978)

²² Sino ang iyong pinulaan at tinungayaw? at laban kanino itinaas mo ang iyong tinig at ipinandilat mo ang iyong mga mata ng mataas? sa makatuwid baga'y laban ^(A)sa Isang Banal ng Israel.

^23 (B)Sa pamamagitan ng iyong mga sugo ay iyong pinulaan ang Panginoon, at sinabi mo, Sa karamihan ng aking mga karo ako'y nakaahon sa kataasan ng mga bundok, sa mga kaloobloobang bahagi ng Libano; at aking ibubuwal ang mga matayog na sedro niyaon, at ang mga piling puno ng abeto niyaon: at ako'y papasok sa kaniyang pinaka malayong tuluyan, sa gubat ng kaniyang mabungang bukid.

²⁴ Ako'y humukay at uminom ng tubig ng iba, at aking tutuyuin ang lahat na ilog ^(C)ng Egipto ng talampakan ng aking mga paa.