⁹ At si David ay dumakila ng dumakila; sapagka't ang Panginoon ng mga hukbo ay sumasa kaniya.

Si David ay hari sa Israel at Juda.

5 Nang magkagayo'y ^(A)naparoon ang lahat ng mga lipi ng Israel kay David sa Hebron, at nagsipagsalita, na nagsisipagsabi, Narito, ^(B)kami ay iyong buto at iyong laman.

² Sa panahong nakaraan nang si Saul ay hari sa amin, ikaw ^(C)ang naglalabas at nagpapasok sa Israel: at sinabi ng Panginoon sa iyo: ^(D)Ikaw ay magiging pastor ng aking bayang Israel: at ikaw ay magiging prinsipe sa Israel.

³ Sa gayo'y ^(E)nagsiparoon ang lahat ng mga matanda sa Israel sa hari sa ^(F)Hebron: ^(G)at ang haring si David ay nakipagtipan sa kanila sa Hebron ^(H)sa harap ng Panginoon: at kanilang pinahiran ng langis si David na maging hari sa Israel.

Ang Sion ay kinuha.

⁶ At ang hari at ang kaniyang mga lalake ay nagsiparoon sa ^(A)Jerusalem laban sa mga ^(B)Jebuseo na nagsisitahan sa lupain, na nangagsalita kay David, na nangagsasabi, Maliban na iyong alisin ang bulag at ang pilay, hindi ka papasok dito: na iniisip, na si David ay hindi makapapasok doon.

⁷ Gayon ma'y sinakop ni David ang katibayan sa Sion; ^(C)na siyang bayan ni David.

⁸ At sinabi ni David nang araw na yaon, Sino mang sumakit ^(D)sa mga Jebuseo, ay pumaroon siya sa inaagusan ng tubig, at saktan ang pilay at ang bulag, na kinapopootan ng kaluluwa ni David. Kaya't kanilang sinasabi, Mayroong bulag at pilay; hindi siya makapapasok sa bahay.

⁹ At tumahan si David sa katibayan at tinawag na bayan ni David. At itinayo ni David ang kuta sa palibot mula sa ^(E)Millo, at sa loob.

¹⁰ At si David ay dumakila ng dumakila; sapagka't ang Panginoon na Dios ng mga hukbo, ay sumasa kaniya.