Salmo 40:11-13

Ang Salita ng Dios (Tagalog Contemporary Bible)

¹¹ Panginoon, huwag nʼyong pigilin ang awa nʼyo sa akin.
    Ang inyong pag-ibig at katapatan ang laging mag-iingat sa akin.
¹² Hindi ko na kayang bilangin ang napakarami kong suliranin.
    Para na akong natabunan ng marami kong kasalanan,
    kaya hindi na ako makakita.
    Ang bilang ng aking mga kasalanan ay mas marami pa kaysa sa aking buhok.
    Dahil dito, halos mawalan na ako ng pag-asa.
¹³ Panginoon, pakiusap!
    Iligtas nʼyo ako at kaagad na tulungan.