Salmo 137

Ang Salita ng Dios (Tagalog Contemporary Bible)

137 Nang maalala namin ang Zion, umupo kami sa pampang ng mga ilog ng Babilonia at umiyak.
² Isinabit na lang namin ang aming mga alpa sa mga sanga ng kahoy.
³ Pinaaawit kami ng mga bumihag sa amin.
    Inuutusan nila kaming sila ay aliwin.
    Ang sabi nila,
    “Awitan ninyo kami ng mga awit tungkol sa Zion!”
⁴ Ngunit paano kami makakaawit ng awit ng Panginoon sa lupain ng mga bumihag sa amin?
⁵ Sanaʼy hindi na gumalaw ang kanan kong kamay kung kalilimutan ko ang Jerusalem!
⁶ Sanaʼy maging pipi ako kung hindi ko aalalahanin at ituturing na malaking kasiyahan ang Jerusalem.
⁷ Panginoon, alalahanin nʼyo ang ginawa ng mga taga-Edom nang lupigin ng Babilonia ang Jerusalem.
    Sinabi nila,
    “Sirain ninyo ito at wasakin nang lubos!”