Roma 3:21-23

Ang Salita ng Dios (Tagalog Contemporary Bible)

²¹ Pero ngayon, inihayag na kung paano itinuturing ng Dios na matuwid ang tao. Itoʼy hindi sa pamamagitan ng pagsunod sa Kautusan. Ang Kautusan na mismo at ang mga propeta ang nagpapatotoo rito. ²² Ang taoʼy itinuturing ng Dios na matuwid sa pamamagitan ng pananampalataya kay Jesu-Cristo. At walang pinapaboran ang Dios. Kaya ang sinumang sumasampalataya kay Jesu-Cristo ay itinuturing niyang matuwid. ²³ Sapagkat ang lahat ay nagkasala at hindi naging karapat-dapat sa paningin ng Dios.