Roma 15

Ne Bibliaj Tik Nawat

Tikinselikan ne inte chikawayatiwit

15 Muneki ma tikselikan tejemet ká tikpiat fuerzaj ne inkujkukulisyu ne te chikawayatiwit, wan te ma timupaktikan tejemetsan. ² Tikpaktikan muchi tejemet ne tuiknew pal yek, pal muskalia. ³ Ne Mawaltijtuk nusan te mupaktij isel, sute, ken muijkwiluj:

⁴ Ika ne tay muijkwiluj achtu, muijkwiluj ma timumachtikan, pal kiane ma titanejmachselikan wan ma techpalewikan ne ijijkwilujtuk, wan ijkiuni ma tikpiakan tejchialis. ⁵ Ma metzinpalewi ne Teut ipal tanejmachselilis pal anmuwikat yek sejse iwan sejse ken ina ne Mawaltijtuk Yeshu, ⁶ pal anhinat, ken sesan, ka wey ne Teut wan iteku ne tutajtzin Yeshu Mawaltijtuk.

⁷ Yajika shimukwikan yek sejse wan sejse, ijkiunisan ken ne Mawaltijtuk metzinkwij pal ma inakan ka wey ne Teut, ⁸ ika nimetzinhilwia ka ne Mawaltijtuk tekitki ipal ne mujmuyawaltektuk ka imaku ne tejkia ipal Teut, pal kilwitia ka tejkia ne projpromesaj iwan ne tetekuwan, ⁹ wan pal inat ne tejtechan ka wey ne Teut ipanpa itetasujtalis, ijkiunisan ken muijkwilujtuk:

¹⁰ Wan senpa ina:

¹¹ Wan senpa:

¹² Wan senpa ina Ishaya:

¹³ Ne Teut, ne techmaka tejchialis, yawi metzintema iwan pakilis wan nejmachnemilis ika antayulmatit, pal antepewit iwan tejchialis ipanpa ne itajpal ne Ijiutzin.

Tamilis

¹⁴ Naja nina ka anmejemet, nukniwan, nusan annemit tejtentuk iwan yek wan muchi ne tamatilis, wan nikmati ka welit anmunawatiat anmusel. ¹⁵ Naja nikijkwilujtuk muchi ijkiunisan ken nikmati, melka anka nusan ankimatit anmejemet, pal ankielnamikit, wan niweli ipanpa ne tetasujtalis ne nechmakak ne Teut, ¹⁶ pal kiane nimuchiwa se itekitini ipal ne Mawaltijtuk Yeshu itzalan ne tejtechan wan pal nitamaka ne iyeknawatilis ne Teut, pal naka yek ne intetakulis ne tejtechan ipal ne Teut wan ne Ijiutzin.

¹⁷ Yajika nikpia ken tikweymatiskia ne Mawaltijtuk Yeshu ipal ne Teut. ¹⁸ Semaya niaw nimetzinhilwia ne tay nutech kichijki ne Mawaltijtuk pal ma kitakamatikan ne tejtechan: kineki ina ka niaw nimetzinhilwia tay inatuk wan tay kichijtuk, ¹⁹ iwan sejse pal muishmati wan sejse tay tetekia, itech ne Ijiutzin. Ijkiuni nipanutuk nitanajnawatia ipanpa ne Mawaltijtuk; nipejki tik Yerushalem wan nikiski pashalua hasta Iliria. ²⁰ Ijkiuni nikchijki tay niweli pal nitayeknajnawatia nujme: te kan sekit tamachtijtiwita ipanpa ne Mawaltijtuk pal te niketza kal ijpak tepal tetzilnaj, ²¹ sute mas yek ken muijkwilujtuk:

²² Neka nishtuna wey niajsi anmutech. ²³ Ashan tea nikpia nutekiw nikansan, wan kichiwa miak shiwit ka sujsul nikneki niaw nimetzinhita. ²⁴ Kwak niaw nikisa nipashalua ka Espania, niknekiskia niaw anmutech nitachia wan ma shinechpalewikan pal niajsi ikuni, kwak tami nipanu anmuchan achtu.

²⁵ Ashan niaw tik Yerushalem pal nitekiti ipal ne tayulmatit, ²⁶ ika Macedonia wan Akaia kitaket yek ma kisentepewakan tumin ipal ne tayulmatit tik Yerushalem ne te kipiat tatka. ²⁷ Yejemet kitaket yek; wan kinwikiliat, ika su kinpalewijtiwit ne tejtechan iwan ne tay kipiat ipal ne Ijiutzin, yek ma yejemet nusan kichiwakan achi pal kintakuliat tay munekit ipal ne tuweyka.

²⁸ Kiane tel, kwak tami nikchiwa ini nutekiw wan nitemaka inwan uni tay kintakulijtiwit, niasneki tik Espania wan niaw panu kan annemit tik ne ujti. ²⁹ Nikmati ka kwak niajsi anmutech, niaw niajsi iwan muchi ne iteteuchiwalis ne Mawaltijtuk.

³⁰ Nimetzintajtani, nukniwan, ipanpa ne tutajtzin Yeshu Mawaltijtuk, wan ika ankitasujtat ne Ijiutzin, ma shimutatejtemuilikan nuwan pal ankitajtanit ne Teut ³¹ ma nechajkawa nichulua itech ijimey ne te tayulmatit tik Yudaya, wan pal ne tayulmatit tik Yerushalem ma kikwikan yek ne nutekiw, ³² pal weli niajsi anmutech ipanpa ne itaelewilis Teut nimusewia anmuwan.

³³ Ma nemi anmuwan ne Teut ipal nejmachnemilis, amen!