Font Size
Numba 2 From Peter 3
Hawai‘i Pidgin
Numba 2 From Peter 3
Hawai‘i Pidgin
Da Boss Goin Come Back!
3 Eh, my good friends, dis my numba two letta to you guys. Dis time an befo time I like write fo help you guys rememba all dis stuff, cuz I like you guys tink ony bout da bestes kine stuff dat show you fo real. 2 I like you guys tink bout da spesho talka guys fo God from befo time, an rememba wat dey wen say. Same ting wit da spesho guys dat Jesus wen send all ova. Tink bout wat da Boss wen tell dem fo tell you guys how you gotta live. He da One dat take you guys outa da bad kine stuff you stay in. So listen!
3 First, you gotta undastan dis: befo da world pau, goin get guys dat ony goin make any kine how dey like. Dey goin make fun a da Good Kine Stuff from God, jalike dey hot stuff. 4 Dey goin say, “Eh! Fo real, dat Jesus wen promise you guys he coming back? Den wea he stay? Our ancesta guys, dey mahke long time awready, an still yet, everyting stay da same from wen God wen make da world!”
5 But you know, get one ting dem buggas no like tink bout: Long time ago, wen everyting wen start, God wen talk, an get da sky. Den God wen start wit da water fo make da land an da water diffren kine, an he wen make da land come up outa da water. Wateva God say goin stay. 6 An God wen use water lata on too, wen da big flood wen come an wipe out everybody inside da world. 7 An you know wat goin happen wit da sky an da world dat get nowdays? God wen tell awready how goin be wit dem. He let um stay right now, but he goin burn um up bumbye, wen da time come. Dat time, God goin be da Judge, an wipe out da peopo dat ack jalike God notting.
8 Eh, my good friends! No foget dis one ting now. Da Boss, he no need figga da time o same like us guys. Fo him, one day, o one tousand years, same same. 9 Da Boss, garans he goin do wat he wen promise. Get peopo, dey tink he real slow, but he not! He no mind hang in dea an wait fo peopo, az why. He like everybody fo come sorry an pau do all da bad kine stuff dey doing. He no like nobody get cut off from him.
10 But dat time wen da Boss goin come back, no goin have nobody dat goin know he coming, jalike wen da steala guy go inside yoa house an you donno he coming. Dat time, da sky an da sun an moon an stars up dea inside da sky goin come burning hot an go “Poom!” an den, no mo notting. Same ting, da world an all da tings dat peopo do hea, goin burn up.
How Us Guys Gotta Live
11 Kay den. If fo shua, all dese tings going burn up lidat, den eh! wat kine peopo you guys gotta be? You gotta go all out fo God da way you live, da way God like you live, 12 all da time you stay waiting fo wen God goin come back hea. So, go all out fo make dat happen mo fast. Dat time, da sky goin burn up, an all da tings inside da sky goin come burning hot an melt. 13 But goin get new sky an new earth, you know. Dass wat God wen promise, an dass wat us guys waiting fo. Dat goin be da place wea everybody do ony wass right.
14 So den, my good friends, all da time you stay waiting fo dis fo happen, go all out fo be da bestes kine peopo, da way God see you guys, so nobody can poin finga an blame you guys. An go all out fo let yoa heart stay rest inside. 15 Our Boss, he hang in dea, so he can give you guys chance fo come outa da bad kine stuff you stay in.
Paul An Da Lettas He Wen Write
Our good friend, Brudda Paul, he wen write you guys da same ting, yeah? God wen give him da kine smarts, az why he write lidat. 16 Everytime Paul write one letta, he talk bout dis kine stuff. Fo shua, get stuff inside his lettas dat hard fo undastan. An get peopo dat no bodda fo learn an no stay solid inside. Dey take wat Paul say an make um all hamajang. Dey do da same ting wit all da odda stuff inside da Bible too. Da guys dat make lidat, dey goin get wipe out, fo shua.
Da Boss, He Awesome!
17 But eh! my good friends. You guys know awready how dem teacha guys ack. So watch out! Dey no like listen to da rules, an dey like bulai you guys an make you guys go da wrong way, but no let um. You guys stay solid inside, but you gotta watch out, cuz dey like mess you guys up. 18 Mo betta, you guys come mo an mo strong inside. Cuz you know, our Boss Jesus Christ, he da One dat goin take us guys outa da bad kine stuff we stay in. He like do plenny fo you guys, an he like you guys know him mo betta. I like everybody say awesome kine tings bout Jesus now, an foeva! Az right!
2 Peter 3
New International Version
2 Peter 3
New International Version
The Day of the Lord
3 Dear friends,(A) this is now my second letter to you. I have written both of them as reminders(B) to stimulate you to wholesome thinking. 2 I want you to recall the words spoken in the past by the holy prophets(C) and the command given by our Lord and Savior through your apostles.(D)
3 Above all, you must understand that in the last days(E) scoffers will come, scoffing and following their own evil desires.(F) 4 They will say, “Where is this ‘coming’ he promised?(G) Ever since our ancestors died, everything goes on as it has since the beginning of creation.”(H) 5 But they deliberately forget that long ago by God’s word(I) the heavens came into being and the earth was formed out of water and by water.(J) 6 By these waters also the world of that time(K) was deluged and destroyed.(L) 7 By the same word the present heavens and earth are reserved for fire,(M) being kept for the day of judgment(N) and destruction of the ungodly.
8 But do not forget this one thing, dear friends: With the Lord a day is like a thousand years, and a thousand years are like a day.(O) 9 The Lord is not slow in keeping his promise,(P) as some understand slowness. Instead he is patient(Q) with you, not wanting anyone to perish, but everyone to come to repentance.(R)
10 But the day of the Lord will come like a thief.(S) The heavens will disappear with a roar;(T) the elements will be destroyed by fire,(U) and the earth and everything done in it will be laid bare.[a](V)
11 Since everything will be destroyed in this way, what kind of people ought you to be? You ought to live holy and godly lives 12 as you look forward(W) to the day of God and speed its coming.[b](X) That day will bring about the destruction of the heavens by fire, and the elements will melt in the heat.(Y) 13 But in keeping with his promise we are looking forward to a new heaven and a new earth,(Z) where righteousness dwells.
14 So then, dear friends, since you are looking forward to this, make every effort to be found spotless, blameless(AA) and at peace with him. 15 Bear in mind that our Lord’s patience(AB) means salvation,(AC) just as our dear brother Paul also wrote you with the wisdom that God gave him.(AD) 16 He writes the same way in all his letters, speaking in them of these matters. His letters contain some things that are hard to understand, which ignorant and unstable(AE) people distort,(AF) as they do the other Scriptures,(AG) to their own destruction.
17 Therefore, dear friends, since you have been forewarned, be on your guard(AH) so that you may not be carried away by the error(AI) of the lawless(AJ) and fall from your secure position.(AK) 18 But grow in the grace(AL) and knowledge(AM) of our Lord and Savior Jesus Christ.(AN) To him be glory both now and forever! Amen.(AO)
Footnotes
- 2 Peter 3:10 Some manuscripts be burned up
- 2 Peter 3:12 Or as you wait eagerly for the day of God to come
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.