Font Size
Numba 2 Fo Da Corint Peopo 11
Hawai‘i Pidgin
Numba 2 Fo Da Corint Peopo 11
Hawai‘i Pidgin
Paul An Da Fake Talka Guys
11 Eh, I like you guys try take wat I say, no matta if I talk litto bit lolo kine. Try listen! 2 Jalike God stay jealous fo you guys, I stay jealous fo you guys too. I wen promise Christ dat he can take you guys in, an you guys not pilau inside, jalike one husban take da wahine dat neva sleep wit nobody yet. 3 Now you guys like stick wit Christ fo real kine an stay clean inside yoa heart jalike him. But I stay scared dat you guys goin like go way from Christ, an tink diffren kine, jalike Eve wen go way befo time. Da snake wen bulai her, you know, cuz he one sly bugga! 4 Everytime somebody show up by you guys an teach you guys bout one diffren kine Jesus, an not da same Jesus we wen tell you guys bout, how come you guys trus dat guy? You guys wen let Godʼs Good an Spesho Spirit take ova you befo, so how come you guys wen take in one diffren kine spirit now? You wen go trus da Good Stuff From Christ befo, so how come you guys wen go trus one diffren kine teaching now? 5 I no tink I no good. No matta dem odda guys say God wen send um, an dey get big head, dey not mo betta den me. 6 No matta I no can talk fancy kine, but I know plenny tings, an everytime I wen show you guys everyting an every way.
7 I neva aks you guys fo pay me wen I wen teach you guys da Good Stuff From God. I wen make myself notting so I can make you guys look good. You guys tink dass was wrong fo me fo do? 8 Da peopo from odda churches inside da odda places wen give money fo kokua me fo help you guys. Dass jalike I take from dem guys so I can help you guys. 9 Wen I wen stay wit you guys an I wen need someting, I neva bodda you guys fo aks fo notting. Da Macedonia bruddas wen come an kokua me. But everytime I neva bodda you guys notting, an I no goin bodda you guys eva. 10 Wat Christ say stay true, an I know fo shua wat I say stay true too, cuz I stay tight wit Christ. An nobody ova dea Akaia side can shut me up fo talking big bout all dat stuff. 11 How come I say dat? You guys tink I no mo love an aloha fo you guys? God know I get plenny love an aloha fo you guys.
12 I goin still yet do all da stuff I doing, so dat da peopo who say dey same same jalike us guys, an talk big bout being same same like us, no goin get notting fo say. 13 Dem guys say dat God wen send um, but dey all bulai. Dey trick da peopo. Dey try make demself look like talkas fo Christ, jalike dey his guys, but dey still fake. 14 Dat no blow our minds, cuz da Devil, he go try ack jalike he one good angel messenja guy fo God. 15 Dass no big ting if da Devilʼs worka guys go try ack jalike dey working fo da good an right stuffs too. Dat no blow our minds. Bumbye God goin pay dem back fo da bad kine stuff dey wen do.
Paul Suffa Wen He Tell Peopo Bout God
16 I goin say dis one mo time: No let nobody tink I ack jalike one lolo head. But if you guys tink I one lolo head, den take me in jalike one lolo head. Den I can talk big litto bit too. 17 Wat I telling you guys now, I sound jalike one lolo head talking, but da Boss Up Dea neva tell me fo say dat. 18 Get plenny guys talking big jalike da peopo inside da world talk big, so I goin talk big too. 19 You guys like make friends wit da lolo head guys. Gotta be okay, cuz you guys stay akamai plenny, aah? 20 You guys let da odda guys go wen dey make any kine to you. Dey make you guys jalike dea slaves. Dey rip you guys off. Dey scam you guys. Dey ack jalike you guys notting, an dey importan. Dey slap yoa head. An still yet you guys let um ack lidat. 21 Oh, auwe! I stay shame fo say we neva was strong nuff fo make any kine lidat to you guys too, jalike dem.
Watevas da odda guys talk big bout, I goin talk big lidat too. I talking jalike one lolo head, you know. 22 Dem guys Hebrew guys? Yeah, yeah, me too. Dem guys Israel guys? Yeah, yeah, me too. Dem guys come from Abraham? Yeah, yeah, me too. 23 Dem guys work fo Christ? Yeah, yeah, me too. I work mo hard mo plenny. I wen stay inside jail mo plenny. Da odda guys wen whip me mo hard. An plenny times I almos wen mahke. 24 Eh, five times da Jewish guys wen whip me thirty-nine times. 25 Three times dey wen beat me wit hard sticks. One time dey wen throw big kine stones fo kill me. Three times I wen stay inside one bus up boat, an one nite an one day I wen stay inside da deep ocean. 26 Everytime I go all ova da place. Plenny tings wen almos kill me: da big rivers, da robber guys, my peopo da Jewish guys, da guys dat not Jews, da ocean, da guys dat say dey our bruddas but dey not. All dat stuff wen almos kill me. I almos wen mahke inside da town an outside in da boonies. 27 I get hard time, an I wen work hard. Plenny times I no can sleep nite time. I get hungry an thirsty, an had plenny times I no mo notting fo eat. I neva have clotheses, an I wen stay real cold. 28 An dis too: every day I feel da presha fo tink hard bout all da bruddas an sistas dat come togedda fo God all ova da place. 29 If get somebody dat feel jalike he no can handle, den I feel da same ting too. If get somebody dat do da bad kine ting, den I feel sore inside cuz a dat.
30 If I gotta talk big, den I goin talk big bout da stuff dat show I no can handle. 31 Jesus, he da Boss, an God, he Jesus Fadda. God, he know I no bulai. Everytime we tell everybody dat God stay good, foeva. 32 You know, wen I wen stay inside Damascus, da governa unda King Aretas, he wen put police guys all ova da place fo bus me. 33 I wen go inside one big basket, an my friends wen put me down wit one rope, from one window inside da big wall, fo go outside town. An I wen run away from da governa. Dat time, I no can handle fo shua!
2 Corinthians 11
New International Version
2 Corinthians 11
New International Version
Paul and the False Apostles
11 I hope you will put up with(A) me in a little foolishness.(B) Yes, please put up with me! 2 I am jealous for you with a godly jealousy. I promised you to one husband,(C) to Christ, so that I might present you(D) as a pure virgin to him. 3 But I am afraid that just as Eve was deceived by the serpent’s cunning,(E) your minds may somehow be led astray from your sincere and pure devotion to Christ. 4 For if someone comes to you and preaches a Jesus other than the Jesus we preached,(F) or if you receive a different spirit(G) from the Spirit you received, or a different gospel(H) from the one you accepted, you put up with it(I) easily enough.
5 I do not think I am in the least inferior to those “super-apostles.”[a](J) 6 I may indeed be untrained as a speaker,(K) but I do have knowledge.(L) We have made this perfectly clear to you in every way. 7 Was it a sin(M) for me to lower myself in order to elevate you by preaching the gospel of God(N) to you free of charge?(O) 8 I robbed other churches by receiving support from them(P) so as to serve you. 9 And when I was with you and needed something, I was not a burden to anyone, for the brothers who came from Macedonia supplied what I needed.(Q) I have kept myself from being a burden to you(R) in any way, and will continue to do so. 10 As surely as the truth of Christ is in me,(S) nobody in the regions of Achaia(T) will stop this boasting(U) of mine. 11 Why? Because I do not love you? God knows(V) I do!(W)
12 And I will keep on doing what I am doing in order to cut the ground from under those who want an opportunity to be considered equal with us in the things they boast about. 13 For such people are false apostles,(X) deceitful(Y) workers, masquerading as apostles of Christ.(Z) 14 And no wonder, for Satan(AA) himself masquerades as an angel of light. 15 It is not surprising, then, if his servants also masquerade as servants of righteousness. Their end will be what their actions deserve.(AB)
Paul Boasts About His Sufferings
16 I repeat: Let no one take me for a fool.(AC) But if you do, then tolerate me just as you would a fool, so that I may do a little boasting. 17 In this self-confident boasting I am not talking as the Lord would,(AD) but as a fool.(AE) 18 Since many are boasting in the way the world does,(AF) I too will boast.(AG) 19 You gladly put up with(AH) fools since you are so wise!(AI) 20 In fact, you even put up with(AJ) anyone who enslaves you(AK) or exploits you or takes advantage of you or puts on airs or slaps you in the face. 21 To my shame I admit that we were too weak(AL) for that!
Whatever anyone else dares to boast about—I am speaking as a fool—I also dare to boast about.(AM) 22 Are they Hebrews? So am I.(AN) Are they Israelites? So am I.(AO) Are they Abraham’s descendants? So am I.(AP) 23 Are they servants of Christ?(AQ) (I am out of my mind to talk like this.) I am more. I have worked much harder,(AR) been in prison more frequently,(AS) been flogged more severely,(AT) and been exposed to death again and again.(AU) 24 Five times I received from the Jews the forty lashes(AV) minus one. 25 Three times I was beaten with rods,(AW) once I was pelted with stones,(AX) three times I was shipwrecked,(AY) I spent a night and a day in the open sea, 26 I have been constantly on the move. I have been in danger from rivers, in danger from bandits, in danger from my fellow Jews,(AZ) in danger from Gentiles; in danger in the city,(BA) in danger in the country, in danger at sea; and in danger from false believers.(BB) 27 I have labored and toiled(BC) and have often gone without sleep; I have known hunger and thirst and have often gone without food;(BD) I have been cold and naked. 28 Besides everything else, I face daily the pressure of my concern for all the churches.(BE) 29 Who is weak, and I do not feel weak?(BF) Who is led into sin,(BG) and I do not inwardly burn?
30 If I must boast, I will boast(BH) of the things that show my weakness.(BI) 31 The God and Father of the Lord Jesus, who is to be praised forever,(BJ) knows(BK) that I am not lying. 32 In Damascus the governor under King Aretas had the city of the Damascenes guarded in order to arrest me.(BL) 33 But I was lowered in a basket from a window in the wall and slipped through his hands.(BM)
Footnotes
- 2 Corinthians 11:5 Or to the most eminent apostles
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.