Font Size
Numba 1 Fo Da Tessalonika Peopo 2
Hawai‘i Pidgin
Numba 1 Fo Da Tessalonika Peopo 2
Hawai‘i Pidgin
Paul Help Da Tessalonika Peopo
2 Eh, bruddas an sistas, you guys know dat da first time we wen come by you guys, no was wase time. 2 Befo we come by you guys, wen we stay Philippi town, da peopo ova dea wen make us guys suffa plenny, an wen try fo make us shame in front everybody. But cuz we stay tight wit God, no matta we scared, we wen go ahead an tell you guys da Good Kine Stuff From God. We wen tell you guys, no matta we get plenny peopo dat wen go agains us.
3 Wen we wen tell you guys fo trus God, no was cuz we trus da wrong kine stuff, o cuz we like do pilau kine stuff, o cuz we like bulai you guys. 4 Not! But God wen check us guys out awready, an he know he can trus us guys fo tell da Good Kine Stuff from him. Dass how come us guys talk lidat bout da Good Kine Stuff From God. Us guys, we not trying fo do wat all da peopo like, we ony trying fo make God stay good inside! Cuz he da One stay checking us guys out right now inside our heart.
5 You guys know dat we neva eva go talk real nice kine fo bulai peopo! Get peopo dat ack like dey not greedy, but dey greedy. But us guys, we neva make like dem. God know dass true! 6 Us guys neva try fo make peopo tink dat we da greates -- not even you guys, not anybody else! 7 You know, Christ wen send us all ova fo talk fo him, an cuz a dat we get da right fo aks you guys fo plenny stuff, if we like. But wen we wen stay wit you guys, we wen ack gentle kine, jalike one mudda take care her small baby. 8 We was real good friends wit you guys. Dass why we not ony wen like tell you guys da Good Stuff From God, but we wen like give ourself to you guys, cuz we wen get so plenny love an aloha fo you guys.
9 Eh, bruddas an sistas, you guys rememba how hard we wen work, dat time, yeah?. We wen work day time an nite time, so dat way, we neva need live off nobody, not even one a you guys. Same time, we wen tell you guys da Good Kine Stuff From God.
10 You guys know da way we wen ack, dat time. An God, he know too. We wen stay good an spesho fo God, an we wen do da right ting, an we wen make shua we neva do notting bad, so nobody can poin finga us. We make lidat fo help you guys dat trus God. 11 We wen make to everybody jalike one fadda make to his kids. 12 We wen give you guys good kine words, an wen kokua you guys, an wen tell you guys fo do good, cuz you Godʼs peopo. God, he da King, an he awesome, an he tell you guys fo come be his peopo.
13 An we everytime tell God “Mahalo plenny” cuz a dis too: We wen tell you guys wat God say, an you guys wen trus dat. You guys neva tink was ony wat peopo wen say. Da stuff you guys wen trus was wat God wen say, an dass fo real. An dass wat stay making you guys come diffren inside.
14 Eh, bruddas an sistas! Same ting wen happen to you guys, jalike wen happen to da church peopo all ova Judea. Dey da peopo dat come togedda fo God ova dea, an dat stay tight wit Godʼs Spesho Guy Jesus. Da way yoa peopo wen make you guys suffa, dass jalike da Jewish peopo wen make da bruddas an sistas inside Judea suffa. 15 I mean, da guys who wen kill da Boss Jesus. Befo time, dea ancesta guys wen kill da guys who wen talk fo God too. An dey wen go afta us guys an give us guys one real hard time too. Dem guys, dey no do notting dat make God stay good inside. Dey like go agains everybody! 16 Dey even wen try fo stop us guys, so we no can tell da Good Stuff bout God to da peopo dat not Jews. Cuz dem Jewish guys no like nobody fo trus Christ. Dass how dey everytime go all out fo do bad kine stuff. An now God, he no take dem fo wat dey stay do!
Paul Like Go By Da Tessalonika Peopo One Mo Time
17 Bruddas an sistas, fo litto wile some peopo wen make us go way from you guys. But no matta we wen go, inside our hearts we neva go way. Dat time we wen really like see you guys, an we wen try real hard fo see you guys again. 18 Cuz we wen like go by you guys. Me, Paul, I wen try go back ova an ova, but da Devil wen stop us so we neva can.
19 Wen our Boss Jesus come back, us guys goin stand in front him. Wen dat happen, wat you tink we waiting fo see? You guys! Wat goin make us stay real good inside? You guys! Wat goin be jalike our medal fo show dat we da winnas? You guys! 20 Fo shua, you guys stay awesome, an we stay real good inside cuz a you guys!
1 Thessalonians 2
New International Version
1 Thessalonians 2
New International Version
Paul’s Ministry in Thessalonica
2 You know, brothers and sisters, that our visit to you(A) was not without results.(B) 2 We had previously suffered(C) and been treated outrageously in Philippi,(D) as you know, but with the help of our God we dared to tell you his gospel in the face of strong opposition.(E) 3 For the appeal we make does not spring from error or impure motives,(F) nor are we trying to trick you.(G) 4 On the contrary, we speak as those approved by God to be entrusted with the gospel.(H) We are not trying to please people(I) but God, who tests our hearts.(J) 5 You know we never used flattery, nor did we put on a mask to cover up greed(K)—God is our witness.(L) 6 We were not looking for praise from people,(M) not from you or anyone else, even though as apostles(N) of Christ we could have asserted our authority.(O) 7 Instead, we were like young children[a] among you.
Just as a nursing mother cares for her children,(P) 8 so we cared for you. Because we loved you so much, we were delighted to share with you not only the gospel of God(Q) but our lives as well.(R) 9 Surely you remember, brothers and sisters, our toil and hardship; we worked(S) night and day in order not to be a burden to anyone(T) while we preached the gospel of God to you. 10 You are witnesses,(U) and so is God,(V) of how holy,(W) righteous and blameless we were among you who believed. 11 For you know that we dealt with each of you as a father deals with his own children,(X) 12 encouraging, comforting and urging you to live lives worthy(Y) of God, who calls(Z) you into his kingdom and glory.
13 And we also thank God continually(AA) because, when you received the word of God,(AB) which you heard from us, you accepted it not as a human word, but as it actually is, the word of God, which is indeed at work in you who believe. 14 For you, brothers and sisters, became imitators(AC) of God’s churches in Judea,(AD) which are in Christ Jesus: You suffered from your own people(AE) the same things those churches suffered from the Jews 15 who killed the Lord Jesus(AF) and the prophets(AG) and also drove us out. They displease God and are hostile to everyone 16 in their effort to keep us from speaking to the Gentiles(AH) so that they may be saved. In this way they always heap up their sins to the limit.(AI) The wrath of God has come upon them at last.[b]
Paul’s Longing to See the Thessalonians
17 But, brothers and sisters, when we were orphaned by being separated from you for a short time (in person, not in thought),(AJ) out of our intense longing we made every effort to see you.(AK) 18 For we wanted to come to you—certainly I, Paul, did, again and again—but Satan(AL) blocked our way.(AM) 19 For what is our hope, our joy, or the crown(AN) in which we will glory(AO) in the presence of our Lord Jesus when he comes?(AP) Is it not you? 20 Indeed, you are our glory(AQ) and joy.
Footnotes
- 1 Thessalonians 2:7 Some manuscripts were gentle
- 1 Thessalonians 2:16 Or them fully
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.