Ɔman yiyedi mpaebɔ

85 Awurade, woahu wo asase mmɔbɔ; woama Israel adi yiye bio. ² Wode wo nkurɔfo bɔne nyinaa akyɛ wɔn. ³ Wugyaee w’abufuw a wode kɔɔ wɔn so no.

⁴ Fa yɛn san bra, O Onyankopɔn, yɛn agyenkwa na gyae sɔ a w’ani nsɔ yɛn no! ⁵ Wo bo befuw yɛn akosi daa nyinaa? W’abufuw to rentwa da? ⁶ Hyɛ yɛn den bio, na yɛn, wo nkurɔfo, bɛkamfo wo. ⁷ Dɔ yɛn daa, O Awurade, na gye yɛn nkwa, boa yɛn.

⁸ Meretie nea Awurade Nyankopɔn reka. Ɔhyɛɛ yɛn a yɛyɛ ɔno ara ne nkurɔfo no bɔ se, sɛ yɛannan amfa akwammɔne so a, ⁹ akyinnye biara nni ho sɛ wasiesie ne ho sɛ wɔn a wodi no ni no, obegye wɔn nkwa, na ne nkwagye no bɛtena yɛn asase no so.

¹⁰ Ɔdɔ ne nokware behyia, na trenee ne asomdwoee ayɛ atuu. ¹¹ Onipa nokware befi asase so akɔ soro, na Onyankopɔn trenee fi soro aba asase so. ¹² Awurade bɛma yɛanya nkɔso, na yɛn asase anya nnɔbae bebree. ¹³ Atreneefo bedi Awurade anim asiesie ne kwan ama no.