Ɔhene a Onyankopɔn ayi no

2 Adɛn nti na amanaman hyehyɛ adɔnyɛ ho? Adɛn nti na nnipa bɔ pɔw a ɛho nhia? ² Wɔn ahemfo asɔre, wɔn sodifo ka bom bɔ pɔw tia Awurade ne ɔhene a wɔayi no no. ³ Wɔka se, “Momma yɛntwe yɛn ho mfi wɔn mmara ne wɔn tumi ase.”

⁴ Nanso Awurade te n’ahengua so serew, di wɔn nhyehyɛe hunu no ho fɛw. ⁵ Ɔbɔ wɔn kɔkɔ abufuw so, yi wɔn hu abufuhyew mu.

⁶ Ɔka se, “Masi me hene wɔ Sion bepɔw kronkron no so.”

⁷ Nea wasi no hene no bua se, “Mɛka asɛm a Awurade apae mu aka no. Ɔka kyerɛɛ me se, ‘Woyɛ me babarima; ɛnnɛ mayɛ w’agya. ⁸ Bisa me na mede wiase aman nyinaa bɛhyɛ wo nsa; asase nyinaa bɛyɛ wo dea. ⁹ Wode dade poma bedi wɔn so, na woabobɔ wɔn sɛ ɔnwemfo nhina.’“

¹⁰ Mo ahene, muntie saa kɔkɔbɔ yi. Mo a mudi aman so wɔ wiase, munsua sɛ: ¹¹ Mobɛsom Awurade osuro mu. ¹² Momma mo ho mpopo na monkotow no. Sɛ anyɛ saa a, ne bo befuw na moawu prɛko pɛ. Nhyira nka wɔn a woguan kɔtoa no.