Mikas 2:1-3

Ang Biblia, 2001

2 Kahabag-habag sila na nagbabalak ng kasamaan,
    at gumagawa ng kasamaan sa kanilang mga higaan!
Kapag dumating ang umaga, ay ginagawa nila ito,
    sapagkat ito'y nasa kapangyarihan ng kanilang kamay.
² Sila'y nag-iimbot ng mga bukid, at kanilang kinakamkam;
    at ng mga bahay at kanilang kinukuha;
at kanilang inaapi ang isang tao at ang kanyang sambahayan,
    ang tao at ang kanyang mana.
³ Kaya't ganito ang sabi ng Panginoon:
Laban sa angkang ito ay nagbabalak ako ng kasamaan
    na doo'y hindi ninyo maaalis ang inyong mga leeg,
ni makalalakad man na may kahambugan;
    sapagkat iyon ay magiging isang masamang panahon.