Mga Kawikaan 17:7-9

Magandang Balita Biblia (with Deuterocanon)

⁷ Ang pinong pananalita ay di mahahanap sa mangmang,
    ni ang kasinungalingan sa taong marangal.
⁸ Sa paniwala ng iba ang suhol ay parang salamangka;
    kaya lahat ay makukuha kung may pansuhol ka.
⁹ Ang pagpapatawad sa kapwa ay nagpapasarap sa samahan,
    ngunit ang pagkakalat ng kahinaan ay sumisira ng pagkakaibigan.