Mga Hebreo 12:14-16

Ang Bagong Tipan: Filipino Standard Version

Babala laban sa Pagtanggi sa Biyaya ng Diyos

¹⁴ Pagsikapan ninyong mamuhay na may kapayapaan sa lahat ng tao; sikapin din ninyong mamuhay na may kabanalan, sapagkat kung wala nito'y walang sinumang makakakita sa Panginoon. ¹⁵ Tiyakin ^(A) ninyo na walang sinuman ang mahulog mula sa biyaya ng Diyos; pagsikapan ninyong walang sumibol na ugat ng kapaitan at baka mahawa rito ang marami. ¹⁶ Tiyakin ^(B) ninyong walang sinuman sa inyo ang maging mapakiapid at walang galang sa Diyos katulad ni Esau. Sa isang pinggang pagkain ay ipinagbili niya ang kanyang karapatan bilang panganay.