Mga Gawa 13:17-19

Magandang Balita Biblia (with Deuterocanon)

¹⁷ Ang^(A) Diyos ng ating bansang Israel ang pumili sa ating mga ninuno. Sila'y ginawa niyang isang malaking bansa habang naninirahan pa sila sa lupain ng Egipto, at sila'y inilabas niya doon sa pamamagitan ng kanyang dakilang kapangyarihan. ¹⁸ Sa^(B) loob ng apatnapung taon, sila ay pinagtiisan^[a] niya sa ilang. ¹⁹ Nilipol^(C) niya ang pitong bansa sa lupain ng Canaan at ibinigay sa mga Israelita ang lupain bilang pamana.