Mga Awit 78:37-39

Ang Biblia, 2001

³⁷ Sapagkat^(A) ang puso nila ay hindi tapat sa kanya,
    ni naging tapat man sila sa tipan niya.
³⁸ Gayunman siya, palibhasa'y mahabagin,
    pinatawad niya ang kanilang kasamaan
    at hindi sila nilipol;
madalas na pinipigil niya ang kanyang galit,
    at hindi pinupukaw ang lahat niyang poot.
³⁹ Kanyang naalala na sila'y laman lamang;
    isang dumaraang hangin at hindi na muling babalik.