Mga Awit 132:10-12

Magandang Balita Biblia (with Deuterocanon)

¹⁰ Alang-alang naman sa lingkod mong si David,
    ang piniling hari, ay huwag mong itakwil.
¹¹ Ang^(A) iyong pangako, kay David mong lingkod,
    huwag mong babawiin,
ganito ang iyong pangakong habilin:
    “Isa sa anak mo ang gagawing hari upang mamahala,
    matapos na ika'y pumanaw sa lupa.
¹² Kung magiging tapat ang mga anak mo sa bigay kong tipan,
    at ang mga utos ko ay igagalang,
    ang mga anak mo'y pawang maghaharing walang katapusan.”